மெட்ரோ சிறக்க...

மெட்ரோ சிறக்க
மனதார வாழ்த்துகிறோம்.







புகைப்படங்கள் உதவி கல்ப் நியூஸ்

காதலர்களின் சங்கமம்

'பஞ்சு மிட்டாய் அஞ்சி ரூபாய்
நீ பாதி தின்று தந்ததால் லட்ச ரூபாய்..'

'நீதானே எந்தன் பொன் வசந்தம்
புது ராஜ வாழ்க்கை நாளை உன் சொந்தம்..'

என்னன்னு கேட்குறீங்களா இதாங்க ரொமான்ஸ்
இப்போ எல்லாம் ரொமான்ஸ் ஒரு fashion
சமீபத்தில் பல ஊர்களில் நடக்கும் சம்பவங்கள்
ஊடகங்களில் நாம் படித்து வருகிறோம்.
இதை விட கொடுமை என்னவென்றால்
நாம் சுற்றுலா செல்லும் இடங்களில்
நேரிலே சில காதல் ஜோடிகளை பார்த்தோம்.
சமீபத்தில் ஒரு மதிய உணவு வேளையில்
தஞ்சை சிவகங்கை பூங்காவுக்கு சென்றபோது
ஏராளனமான ஜோடிகள் தனது காதலனுடன் கடலையில்,
நம்மை பார்த்ததும்
துப்பட்டாக்கள் காதலன் மடியில் முகம் புதைத்தது.

அதே போல புகார் நகர கடற்கரைக்கு சென்ற போது
அட இது என்ன இளங்கோவடிகள் காலமா என சந்தேகம்,
காரனம், பல காதலர்கள் ,
நமது நினைவுக்கு வந்தது
அவர் வர்னித்த கடலாடு காதல் தான்.
அதே போல தரங்கம்பாடி கடற்கரை
அடடா.. இப்படி ஒரு அமைதியான
அழகான ஆர்ப்பாட்டம் இல்லாத கடற்கரை
காதலர்கள் அமைதியாக எந்த வித கூச்சலும் இல்லாமல்
அங்கே கிடக்கும் கட்டுமரங்களில்
உலகை மறந்து கலிங்கத்து பரணியில் வர்னிப்பது போல
தலைவனும் தலைவியும் மனதால் மட்டும் உரையாட..
இதை விட அருகாமையில் மல்லிப்பட்டினம் மனோராவில்
இன்னும் சில காதலர்கள்
அப்படியே கைகோர்த்தபடி
காதலியுடன் மொக்கை போட்டுக்கொண்டு
என்ன அழகாக ஸ்டெப் போட்டு நடந்து செல்கிறார்கள்.
தம் தன தம் தன ஆ..ஆ..ஆ...
கல்யாணி ராகம் தான் போங்க...

கண்ணின் கடைப்பார்வை காதலியர் காட்டிவிட்டால்
மண்ணில் குமாரர்க்கு மாமலையும் கடுகாம்
இது அந்தக்காலம்
இப்போ மாற்றிச்சொல்லனும் எப்படி
'பைக்கின் ஹாரன் சத்தம் காதலன் கொடுத்து விட்டால்
துப்பட்டாக்கள் எந்த பஞ்சாயத்தும் பயப்படுவதில்லை'
இதாங்க நிதர்சனமான உண்மை
பெண்ணை பெத்தவங்க
ஆணை பெத்தவங்க
எவ்வளவு கஷ்டப்பட்டு இவங்களை படிக்க வைக்கிறாங்க..
இதுங்க போடுற ஆட்டம் என்ன!
அடிக்கிற கூத்து என்ன?
இந்த இனக்கவர்ச்சி எப்போ போகுமோ?

இதைப்படிக்கும் நட்பு வட்டங்களே
இந்த இனக்கவர்ச்சியில் இருந்து இவர்கள் மீள
நல்ல ஆலோசனை சொல்லுங்கள்.
காலம் கெட்டு கிடப்பதால்
பெண்ணைப்பெத்தவங்க அதை வெளியே அனுப்பி
அது வீட்டுக்கு திரும்ப வரும் வரை படும் அவஸ்தைகளை எழுத முடியாது.

பாய்பிரன்ட் வேனும் என்ற சிந்தனை விட்டு
நல்ல நட்புகளுடன் குடும்பத்தின் கெளரவத்தை உயர்த்த
நல்ல வழித்தடங்களுடன் தங்கள் பாதங்கள் செல்ல
என்றும் வாழ்த்தியவனாக!

ஒரு பிரார்த்தனை

இறையின் பெயரால்..

பன்றிக்காய்ச்சல் போன்ற கொடிய நோய்களிலிருந்து பாதுகாவல் பெற
நாயகம்(ஸல்)கற்றுத்தந்த பிரார்த்தனை

நபி(ஸல்)அவர்கள்
'அல்லாஹும்ம இன்னீ அவூது பிக மினல் பரஸி,
வல் ஜூனுனி வல் ஜூ;.தாமி வஸய்யி இல் அஸ்காமி'
என்று கூறுவார்கள்.

அறிவிப்பாளர் ; அனஸ் (ரழி)அவர்கள்
நூல் ; அபுதாவுத்

'யா அல்லாஹ் தொழு நோய், கருங்குஷ்டம், பைத்தியம் மற்றும்
கொடும் நோய்களை விட்டும் உன்னிடம் நான் பாதுகாவல் தேடுகிறேன்'.

தமிழர் திருமணமும் இனமானமும்

தமிழர் திருமணமும் இனமானமும்

இந்த நூலின் முதற்பதிப்பு 1993

இந்த நூலுக்கு முன்னுரை என்னும் தோரனவாயில் எழுதியிருப்பவர்
கலைஞர் மு.கருனாநிதி

இந்த நூலை எழுதிய ஆசிரியர்
பேராசிரியர் அன்பழகன்

தமிழர்கள் அனைவரும் அவசியம்
படிக்க வேன்டிய ஒரு புத்தகம்
இந்த நூலில் தமிழகத்தின் வரலாறும்
தமிழர்கள் குறித்தும் நிறைய குறிப்புகள் கொடுக்கப்பட்டுள்ளது.
இன்னும் தமிழினத்தைப்பற்றியும் பேராசிரியர் அதிகமாக எழுதி இருக்கிறார்.
அந்த நூலில் இருந்து உங்கள் ரசனைக்காக..




'முப்பதாயிரம் ஆண்டுகட்கு முன்னரே
தங்களிடையே பேசும்மொழியாக வளர்த்து,
இருபதாயிரம் ஆண்டுகட்கு முன்னரே
நாட்டுப்பா செய்யும் நாவினராய் இலக்கியம் வடித்து,
பத்தாயிரம் ஆண்டுகட்கு முன்னரே
எழுத்து வடிவம் முறையும் கண்டு,
ஐயாயிரம் ஆண்டுகட்கு முன்னரே
இயல், இசை, நாடகம் என்னும்
முத்தமிழ் வகைகண்டு வளர்த்து,
மூவாயிரம் ஆண்டுகட்கு முன்னரே
வரையப்பட்ட ஐந்திற இலக்கணமாம்
தொல்காப்பியத்தையும் பெற்று,
இரண்டாயிரம் ஆண்டுகட்கு முன்ன பிறந்த இணையற்ற வாழ்வியல் விளக்கும் அற நூலாம் திருக்குறளையும் கொண்டு,
அக்காலத்தை ஒட்டிப்பிறந்த
சங்கத்தமிழ்தொகை நூல்களாம்
எட்டுத்தொகையும் பத்துப்பாட்டும் கண்டு,
தொடர்ந்து செந்தமிழ் வளர்க்கும் முத்தமிழ் காப்பியமாம் சிலம்பினையும்,
புத்தம் பரப்பும் மணிமேகலையையும் பெற்று; அடுத்து திருமூலர் திருமந்திரத்தையும்,
மணிவாசகர் திருவாசகத்தையும்,
மூவர் தேவாரத்தையும் ஆழ்வார்கள் பாசுரத்தையும்,
திருத்தக்க தேவரையும், கம்பரையும், சேக்கிழாரையும்,கச்சியப்பரையும்,
செயங்கொண்டாரையும், வில்லிப்புத்தூராரையும்,
அருணகிரியாரையும், தாயுமானவரையும்,
வடலூர் வள்ளலாரையும்,
பாரதியாரையும், பாரதிதாசனாரையும்
காலத்தின் கருவூலங்களாகப்பெற்றுள்ள
பெருமைக்குரிய தமிழ் இனத்தாரின் வாழ்வில் தான் திருமணங்கூட தமிழில் நடைபெறவில்லை..?!

இன்னும் பல ஆழமான கருத்துக்கள் சிந்தனைகள்
இந்த நூலை பூம்புகார் பதிப்பகத்தார் வெளியிட்டுள்ளனர்.