வழியோர காட்சிகள்

நீலகிரி மாவட்டத்திற்கு
சமீபத்தில் சென்ற போது






கண்களின் விருந்துகள் பதிவுகளாக

கண்களின் சுவையான பதிவுகள்

கண்களின் சுவையான பதிவுகள்





இதோ உங்களுக்காக சில வழியோர காட்சிகள்



தஞ்சை மாவட்டம் மதுக்கூரில்
பள்ளியில் அமைந்துள்ள மனோரா
என்ன ஒரு அழகான கட்டிட கலை
பார்த்து பார்த்து பிரமித்தேன்
இது கட்டி முடித்து முப்பது வருடங்கள் ஆகிவிட்டதாம்.

மணிமுத்தாறு அருவி

வாழ்க்கைப் பயணங்களில்

நம்மை வாட்டி எடுக்கும் வெயில்
சித்திரை மாதம் சொல்லவா வேன்டும்
உடம்பெல்லாம் வியர்வை
என்ன செய்யலாம்?
நட்பு வட்டங்களுடன் ஒரு ஆலோசனை
ஏதாவது ஒரு அருவிக்கு செல்லலாம் என...
எங்கே செல்வது நெல்லை மாவட்டம் அம்பை பக்கம் தான்.



இந்த மாதிரி கோடையிலும்
தண்ணீர் கொட்டுகிற அருவி
நமக்கு தெரிந்தவரை மணிமுத்தாறு அருவி தான்.
நெல்லை மாவட்டத்தின் கடைகோடியில்
மேற்கு தொடர்ச்சி மலையின் அடிவாரத்தில்
அழகான இயற்கை எழில் சூழலில் அமைந்தது தான்
மணிமுத்தாறு அருவி.
இந்த அருவியின் அழகையும்
அது அமைந்த இடத்தையும் நேரில் பார்த்தால் வாவ்வ்வ்வ்வ்வ்வ்வ்வ்வ்வ்வ்.




இந்த அருவிக்கு செல்ல வழி
நெல்லையில் இருந்து கல்லிடைகுறிச்சி சென்று
அங்கிருந்து மணிமுத்தாறு அருவி செல்ல வேன்டும்.
முதலில் நமது கண்ணில் தென்படுவது மணிமுத்தாறு அணை தான்.
அந்த அணையில் இருந்து இடது புறம் செல்லும் சாலையில் சென்று
மலை மேல் சில மைல்கள் சென்றால் பாலத்தின் இடது புறம்
அழகான நீர்வீழ்ச்சி .


இந்த கோடை வெயிலுக்கு அருவியில் குளிக்கும் சுகமே அலாதி தான்.
எவ்வளவு நேரம் குளித்தாலும் தலை துவட்ட மனமே இல்லை.
இருபாலரும் குளிக்க தனித்தனி இடங்கள்.

இந்த குளியலை புகைப்படத்தில் பார்த்தால் தான்
அந்த ஆனந்தம் உங்களுக்கும் தெரியும்.

வாழ்க்கைப் பயணங்களில்..

என்ன மக்களே
எப்படி இருக்கீங்க?

நாம் வெளினாடுகளில் சாலைப்பயணங்கள் மேற்கொள்வது வேறு
இந்தியாவில் சாலைப்பயணங்களில் வேறு.
அலுவல் நிமித்தமாக சென்னை வரை இரன்டு நாள் பயணம் மேற்கொன்டேன்.
நமதூரில் இருந்து சென்னை செல்ல..
இரன்டு வழிகள் தான்..
தஞ்சை திருச்சி வழியாக செல்லனும் அல்லது
குடந்தை வழியாக சேத்தியார்தோப்பு வழியாக செல்லனும்.

இதுல என்னா? பிரச்சனைன்னா?
அனைக்கரையில் பாலம் பழுதடைந்து விட்டதால்,
பல திருத்தலங்கள் வழியாக சாலைப்பயணம்.
ஆமாங்க, நீங்க சென்னை போகும் போது
மன்னை, குடந்தை சென்று..
அங்கிருந்து மாயாவரம், சீர்காழி, சிதம்பரம் போய்
பின்னர் சேத்தியார்தோப்பு சென்று மீன்டும் சென்னை நோக்கிப்பயணம்.
நமது பொறுமைக்கு எல்லையே இல்லை.
பஸ் போகுது.. போகுது,.. போகுது..
அட போங்கடாஆஆஆஆஅ...

இங்கே உள்ள பேருந்து ஓட்டுனர்களையும் சும்மா சொல்லக்கூடாது.
சாலையில் ஒரு ஈ, எறும்பு, ஆட்டுக்குட்டின்னு எதைப்பார்த்தாலும்
உடனே.. பாம்ம்ம்ம்ம்ம்ம்ம்ம்ம்ம்...
பாம்ம்ம்ம்ம்ம்ம்ம்ம்ம்ம்...
ஹா..ஹா... அது ஏன்னு தெரியலை..

கிட்டத்தட்ட குடந்தையில் இருந்து
சென்னை எட்டு மணி நேர பயணம்.
இடையில் குடந்தையில் இருந்து சிதம்பரம் வரை..
பல திருத்தலங்கள்..
ஆன்மிக பெரியார்கள் வாழ்ந்த ஊர்கள்.
சங்கீத வித்வான்களின் ஊர்கள் என எல்லாம் பார்க்கலாம்.
வைத்தீஸ்வரன் கோவிலும் வருது..
அட நாடி ஜோதிடம் பார்க்கலாம்.
என்னமோ போங்க இது எல்லாம் தான்டி சென்னை போனால்,
அந்த டீஸல் நாகரிகத்தில்
அழகான வெயிலில் அடடா...

அதுவும் சென்னை நெரிசல்,
பரபரப்பான வாழ்க்கை..ம்ம்
ம்ம் அங்கே உள்ள அம்மணிகள் இரு சக்கர வாகனத்தில்
என்னா போடு போடுது...

என்னமோ சென்னை வருவதற்கு பதிலாக,
நாம ஏர் அரேபியாவில் கோவை வரலாம்..
இந்த பாலம் எப்போ சரி பன்னுவாங்களோ தெரியாது.

இந்த பாலம் வெள்ளைக்கார துரை கட்டினது.
அவர் இருக்காரா இல்லையான்னு தெரியாது.
இல்லை அவர் பிள்ளைகளிடம் இந்த பாலம் கட்டின சூட்சுமத்தை சொன்னாரான்னு தெரியலை.
போன வருடம் யாரோ கொத்தனாரிடம் சொன்னார்களாம்.
அவர் தன் பங்குன்னு கொஞ்சம் சிமென்டை பூசிட்டு,
அவர் வாயிலே சுன்னாம்பை பூசிட்டு
அப்படியே சித்தாளிடம் கடலை போட்டுட்டு பெயிட்டார்.
அல்லல் படுவது யாரு பொதுமக்கள்தானே..