வாசனை வீசும் அகர்பத்திகள்

அன்று ஒரு நாள் நமதூரின் கடைவீதியில்
அமர்ந்து இருந்த போது ஒரு தம்பதியினர் வந்தனர்.
அதில் அந்த தம்பதியின் கணவருக்கு கண் தெரியாது.
அவர்கள் அக்ர்பத்தி வியாபாரம் செய்தனர்.
கண் தெரியாத தம்பதி என்பதால் மனது இரக்கத்தில் நாங்கள் பத்தி வேண்டாம்
என்று சொல்லி பணம் கொடுத்தோம் அதற்கு அந்த தம்பதிகள்
எங்களுக்கு சும்மா பணம் எல்லாம் வேண்டாம் பத்தி வாங்கிக்கொண்டு
பணம் கொடுங்கள் என்றனர். அட.டா என்ன ஒரு சுய கெளரவம்.

என்ன ஒரு மரியாதை
என்ன ஒரு தன்னம்பிக்கை
நாம் சும்மா எல்லாம்
நமது உடலின் ஊனத்தைச் சொல்லி
பணம் வாங்கி அதில் வாழவேண்டாம்.
தினமும் குறைந்தது நூறு ரூபாய் சம்பாதித்தால் போதும்.
அதற்காக ஒரு சிறு தொழில் செய்வோம்.
அதில் கிடைக்கும் வருமானத்தை வைத்து
நாம் கெளரவமாக நிம்மதியாக வாழ்வோம் என எண்ணினார்களே..
அந்த தம்பதியை நினைத்து மனம் பல நாள் அசைபோட்டது.

நாம் வாழும் இந்திய நாட்டில்
சமீப காலமாக எத்தனை எத்தனை ஊழல்கள்
ரோடு பொட வரும் ஒப்பந்தக்காரர்கள் முதல்
2ஜி, காமன்வெல்த், ஆதர்ஷ், சுடுகாட்டு ஊழல் என பட்டியல் நீளும்போது,
நமது நாட்டுக்கு வெளியே அடுத்த நாட்டின் எண்ணெய் வளத்தை
சுரண்டுவதற்காக கோட்டு சூட்டும் போட்டு பேசும் நாகரீக சீமான்கள் வரை..
எல்லோரையும் அசைபோடுங்கள்...
அன்னா ஹஸாரே மாதிரி ஊழலுக்கு எதிராக குரல் கொடுக்கும்
காந்தியவாதிகளையும் அசைபோடுங்கள்.
அப்படியே இந்த தம்பதிகளையும் அசைபோடுங்கள்.
ஊழலும் வேண்டாம் அரசியலும் வேண்டாம் .
உழைத்து சாப்பிடுவோம் என பீகாரில் கை ரிக் ஷா இழுக்கும் இந்திய மன்னர்களும் இருக்கிறார்கள்.
இதான் இந்தியா!

மகளிர் நாள்

இன்றைய உலகில் தினங்களுக்கா பஞ்சம்
மேலை நாட்டு கலாச்சாரத்தில் மூழ்கி
அதற்கு தப்பாமல் எல்லா நாடுகளுமே
அதை கொண்டாடி வருகின்றன..

அந்த வகையில் இன்றைய தினமான
நம்மிடம் ஒரு தாக்கத்தை ஏற்படுத்திய வகையில்
ஏதாவது ஒரு பெண் / தோழி
இல்லாமல் இருக்க மாட்டார்கள்..

சுமார் பத்து வருடங்களுக்கு முன்பு
எனது அலுவலத்தில் புதியதாக ஒரு பெண் வேலைக்கு சேர்க்கப்பட்டாள்.
வந்த இரண்டு மாதங்களில்
கணினியின் முன் அமர்ந்து
கணினியை பார்த்தவாறு வேலை
செய்து கொண்டு இருந்தாள்.
அது இன்று போல
தகவல் தொழில் நுட்பம் வளர்ந்தாலும்
அந்த அளவுக்கு நமக்கெல்லாம் தெரியாத நாட்கள்..
பின்னர் நாம் அவளிடம் பழகி நல்ல ஒரு நட்பாகி
அவள் என்ன படித்து இருக்கிறாள்,
என்ன வேலை செய்கிறாள்
என தெரிந்த பின் தான்
அந்த தோழியின் திறமைக்கு
நாம் மரியாதை மனதோடு
தெரிவிக்க ஆரம்பித்தோம்.
அவள் படித்து இருந்தது.. computer programmer
அதில் web developer
இனையதளம் வடிவமைத்து
அதை துணிகரமாக வெளியிடுவது...
அந்த நுட்பமான அறிவு தான் brilliance...
நம்மிடமும் ஒரு தாக்கத்தை ஏற்படுத்தி
நம்மையும் படிக்க வைத்தது..
அதன் பின் இனையதளங்களில் இனைந்து
நாமும் பணியாற்றினோம்..
ஏராளனமான கட்டுரைகள் எழுதினோம்.

இன்று மகளிர் தினத்தில்
யாரை என யோசித்தபோது
எனது மனதில் தோன்றியது
அந்த தோழியின் தாக்கம் தாம்.
எல்லா புகழும் இறைவனுக்கே!

காதலர் தினம்

அவள் அப்படி ஒன்றும் அழகு இல்லை
அவளுக்கு யாரும் இனை இல்லை
அவள் அப்படி ஒன்றும் கலர் இல்லை
ஆனால் அது ஒரு குறை இல்லை

உலகமே கலாச்சார சீரழிவில் சென்று கொண்டிருக்க
வெட்கம் அறியாத ஒரு தலைமுறை உருவாக
ஊடகங்கள் அதுக்கு வழி வகுக்கிறது என்றால் மிகையல்ல.

காதலர் தினம் என அதற்கு என சிறப்பு நிகழ்ச்சிகள்
அதற்கென சிறப்பு நேர்கானல்கள்
ஏன் இந்த நமது கலாச்சாரத்திற்கு ஒவ்வாத கொண்டாட்டங்கள்.

ரோசாப்பூவும், வாழ்த்து அட்டைகளும்,
நினைவில் நிற்க அன்பளிப்புகளும்
பரிமாறுதலில் இருந்தாலும்,
இன்னும் அறுவடைக்கு தயாராக இருக்கும்
தஞ்சை தரணியின் வயல்வெளிகளில்
கானும் நெற்கதிர்கள் நாணத்துடன் தலை சாய நிற்பது போல,

இன்னும் அச்சம் , நாணத்துடன்
அடக்கமாக வாழும் தமிழ் குடும்பங்களும்
அது செழித்தோங்க பண்பாடுகள் சிதையாமல் இருக்க
கல்லாமல் வரும் ஆச்சாராமான கலாச்சாரத்துடன் வாழும் மக்கள்
இந்த மண்வெளியில் உலவாமல் இல்லை.

சோசியல் நெட்வொர்க் எனும் பேஸ்புக்கில் கூட
தன் முகம் காட்டாத நாணத்துடன் வாழும்
தமிழ் சமுதாயம் இருக்கிறது என்றால் மிகையல்ல.
உலகம் கலாச்சார சீரழிவில் நாகரீக மோகத்தில் சென்றாலும்
விழிப்புணர்வு என்னும் பிரச்சாரத்தை நாம் செய்வோமாக!

அரபிக் கடலின் அழகி

அரபிக் கடலின் அழகி
என வர்னிக்கப்படும் அழகிய நகரம் தான்
கொச்சி என அழைக்கப்படும் எர்னாகுளம்.
ஐந்து சிறிய தீவுகளை கொண்ட நகரம் எனவும் சொல்லலாம்.
மிக நீண்ட சேர நாட்டில் தற்போது வளர்ந்து வரும் ஒரு நகரம்.

கொச்சியில் உள்ள மக்களுக்கும், மற்றும் ஏனைய பாகங்களில் உள்ள
மலையாளிகளும் மிகவும் எதிர்பார்த்த ஒன்று 'ஸ்மார்ட் சிட்டி.'
ஐந்து வருடங்களுக்கு முன்பு துவங்கப்பட்ட இந்த திட்டம்,
இத்தனை காலமாக அச்சுதானந்தன் அரசின் மெத்தனத்தில் தள்ளி..தள்ளி.. செல்ல,
சில தினங்களுக்கு முன்பு தான் இந்த திட்டம் இறுதி வடிவம் பெற்றது.
இதற்காக இறுதியாக அரும்பாடு பட்டு இந்த திட்டத்திற்கு உறுதுனையாக இருந்த
'யூசுப் அலி' மலையாளிகளின் மனதில் கதா நாயகன் ஆனார்.



'ஸ்மார்ட் சிட்டி' என்றால் நமக்கு பழகிய பாஷையில் சொல்ல 'இன்டர்னெட் சிட்டி'.
இது தான் அங்கே உள்ள காக்கனாடு பகுதியில் வரப்போகுது.
இது வரப்போகுது என தெரிந்து இந்த பகுதியைச் சுற்றி
ஏராளனமான அடுக்குமாடி குடியிருப்புகள் கட்டி விற்க்கப்பட்டு
நல்ல வாடகைக்கு விட வாங்கியவர்கள் காத்துக்கொண்டு இருக்கிறார்கள்.
அது மட்டுமல்ல, இந்த பகுதி சுற்றிலும் ஏராளனமான வணிக வளாகங்கள்,
இன்னும் பல வியாபார முன்னேற்றங்கள் தயாராகி இருக்கின்றன.




இதன் வருகையால் வேலைவாய்ப்பு பெருகும்.
தொடக்கத்தில் ஸ்மார்ட் சிட்டியில் மட்டும்
தொன்னூறாயிரம் பேருக்கு வேலை கிடைக்குமாம்.
வாவ்வ்வ்வ்வ்..
ஏறக்குறைய ஒரு இலட்சம் பேர்.



அடுத்து கொச்சியில் வருவது வல்லார்பாடம் என்ற இடத்தில்
புதியதாக திறந்த container terminal .
இன்னும் இதை சொல்லவேண்டுமானல் transhipment container terminal என சொல்லலாம்.
உதாரனமாக இந்தியாவிற்கு வரும் மிகப்பெரிய சரக்கு கப்பல்கள்
கொழும்பு அல்லது சிங்கப்பூர் சென்று பின்னர் தான்
இந்தியா வருகிறது.. ஆனால், இந்த டெர்மினல் வந்த பின் மிகப்பெரிய சரக்கு கப்பல்கள்

எல்லாம் நேரடியாக இந்த துறைமுகம் வந்து
இங்கே இறக்குமதியாக சாலைவாழியாகவோ,
அல்லது சரக்கு இரயில் மூலமாகவோ
நாட்டின் பல பாகங்களுக்கும் செல்லும்.
துவக்கத்தில் பத்து இலட்சம் கன்டெய்னர் வருமாம்.
பின்னர் சில காலங்களில் அது முப்பது இலட்சமாகுமாம்.
நல்ல விஷயம் தானே.



ஆனால் ஐந்து வருடமாக
அச்சுதானந்தன் அரசால் இழுத்தடிக்கப்பட்ட
ஸ்மார்ட் சிட்டியை நமது தமிழர்கள்
நம்ம தமிழகத்திற்கு கொண்டு வர நினைத்து இருந்தால்
அந்த வேலை வாய்ப்புகள் நம்ம ஊருக்கு வந்து இருக்குமே..
தமிழன் வழக்கம் போல தூங்குகிறானா?
இல்லை போனால் போகுது என விட்டு விட்டோமா?!

வருடங்கள் 3 ஆகியது

அன்பான இனைய உறவுகளே!

என்ன சேதி?
எப்படி இருக்கீங்க?
எல்லோரும் வலைத்தளத்தில் எழுதத்தொடங்க
நாமும் ஏன் எழுதக்கூடாது என
எனது நண்பர் ஒருவரின் விருப்பத்தில்
தொடங்கப்பட்டது தான் இந்த வலைப்பதிவு.

இதை எத்தனை பேர் படிக்கிறார்கள் எனத்தெரியாது.
ஆனால் மக்கள் வந்து செல்கிறார்கள் என்பது மட்டும் தெரியும்.

முன்பு போல அடிக்கடி வலைத்தளத்தில்
கட்டுரைகள் இல்லையே?
என கேட்பது தெரிகிறது..
ஆனால், நேரம் கிடைக்கும் போது
இனி தொடர்ந்து எழுதுவேன்
எல்லா புகழும் இறைவனுக்கே!

இனிய தமிழர் திரு நாள் வாழ்த்துக்கள்

நித்திரையில் இருக்கும் தமிழா!
சித்திரை இல்லை உனக்குப் புத்தாண்டு
அண்டிப்பிழைக்க வந்த ஆரியக்கூட்டம் கற்பித்ததே
அறிவுக்கொவ்வா அறுபது ஆண்டுகள்
தரணி ஆண்ட தமிழனுக்கு
தை முதல் நாளே தமிழ்ப் புத்தாண்டு


-பாவேந்தர் பாரதிதாசன்

இறைவனின் அருட்கொடைகள்

மேற்கு தொடர்ச்சி மலையின் அடிவாரத்தில்
நாம் உலாவிய போதும்
மேற்கு தொடர்ச்சி மலைகளில் உலாவிய போது

தஞ்சையில் நடந்த ஒரு கண்காட்சி

href="https://blogger.googleusercontent.com/img/b/R29vZ2xl/AVvXsEhZP5zc2svIy7o_uQiiBv758PMXnlQsstMhbYiI4OETxTg9D97DQPQlbvpNUEdmpFzfiCnW2YTBkS9EMvEm8LO-le_0DUUPqqCJqi_c68bQok1Fx8B2tuV7iGH4gBUwErdA950R9FLQOTnK/s1600/tanjore+028.jpg">

அந்தக்கால சோழர்களின் அரன்மனையில்
அன்றைய மண்ணர் ஆட்சியை நினைவுபடுத்தும்வகையில்
அரண்மனை அலங்காரம் என்ன? வண்ணவிளக்குகள் என்ன?

வடுவூர்

மழைக்காலங்களில்

நாம் புகைப்படத்திற்காக உலாவும் போது
நமது புகைப்பட பெட்டியின் சில பதிவுகள்

முகமது ரபியின் ....

அன்றைய காலங்களில் வெளி நாட்டு பயணங்கள் என்பது
மிகவும் சிரமமான வேலை.. சிலரால் நினைத்துக்கூட பார்க்கமுடியாது.
அந்த மாதிரி காலங்களில் பயணம் செல்வது என்றால் பம்பாய் செல்லனும்
அங்கே யாராவது ஒரு ஏஜென்டிடம் பணம் கட்டி, பயணத்திற்காக காத்து இருக்கனும்.
அது சில வாரங்களும் ஆகும், சில மாதங்களும் ஆகும்,
இன்னும் சொல்லப்போனால் சிலருக்கு வருடங்கள் கூட ஆகி இருக்கிறது.
இப்போது உள்ளது போல அத்தனை சுலபம் அல்ல..

அது போல பம்பாய் சென்ற நமது மக்கள், முகமதுஅலி சாலையிலும்,
செம்பூரிலும், சீத்தாகேம்பிலும், முசாபர்கானாவிலும் வாழ்ந்தார்கள்,
அது போல மொழி தெரியாத ஒரு மானிலத்தில், ஒரு நகரத்தில் இருந்த இவர்களுக்கு
மிகவும் பரிச்சயமான ஒரு குரல் இன்றுவரை என சொல்லப்போனால் அது முகமதுரபியின் குரல்தான்..

சமீபத்தில் முகமது ரபியின் மறைந்த தினம் சென்றபோது
காலம் சென்ற ரபியின் ஞாபகம் வருகிறது.
அந்த முகம், வழுக்கை தலை, உதட்டில் இருக்கும் சிரிப்பு..
இப்போது உள்ளவர்களுக்கு அவரை தெரிய வாய்ப்புகள் கம்மி.
ஆனால், அன்றைய காலங்களில் அவரது வாய்ஸ்க்கு நல்ல மவுசு இருந்தது..

அன்றைய புராதான மும்பையில் பழைய கட்டிடங்களில் நடுவே,
நெரிசலான சாலைகளில், குறுகலான சந்துகளில் நாம் உலாவரும்போது
எங்கேயோ இருந்து ஒலிக்கும் அந்த ஹிந்துஸ்தானி ஹிந்தி பாடல்கள் வாவ்வ்..

எப்படி மலபார் முஸ்லிம்களுக்கும் பழைய ஹிந்தி பாடல்களுக்கும் ஒரு தொடர்பு இருக்கிறதோ,
அதுபோல நமது மக்களுக்கும் பழைய பாடல்களுக்கும் ஒரு தொடர்பு இருக்கிறது.
அதனால் தான் நமது மக்கள் பலர் இன்னும் ரபியின் பாடல்களை ரசித்துக்கேட்டுக்கொண்டு இருக்கிறார்கள்.
இதை படிக்கும் நமது மக்களுக்கு அன்றைய நாட்களின் எண்ணங்களை
அசைபோட வைக்கும் என்பதில் ஐயமில்லை. அதுபோல பழைய
பின்டிபஜாரை ஞாபக படுத்தும் என்பதிலும் சந்தேகமில்லை.

அன்றைய காலத்தில் நமது இந்திய நாட்டின் ஜனாதிபதியாக இருந்த ஒருவர்
பெயர் ஞாபகம் இல்லை... அவர் காஷ்மீர் சென்ற போது
பத்திரிகையாளர் சந்திப்பின் போது ஒரு பத்திரிகையாளர் கேள்வி கேட்கிறார்..
நீங்கள் முகமதுரபியை பற்றி என்ன நினைக்கிறீர்கள்? என..
அதற்கு அவர் சொன்னார் 'இந்தியாவுக்கும்- பாகிஸ்தானுக்கு யுத்தம் தொடங்கும் நேரத்தில்,
முகமதுரபியின் பாடலை ஒலிபரப்பினால், உடனே இரு நாட்டினரும் சொல்வார்களாம்,
இந்த பாடல் முடிந்த பின்பு யுத்தம் தொடங்கலாம் என...))))'
எவ்வளவு பெரிய செய்தி.. இன்றும் பலர் முகமதுரபியின் பாடல்கள் என்றால் போதும்..
பலர் எப்போதும் காரில் ஒலிக்க கேட்டுச் சொல்வார்கள்...
அவரது பல பாடல்கள் புகழ்பெற்ற பாடல்கள்..
'aanese uske....'

அழகிய பசுமைகள்

அழகான பசுமையான கிராமங்கள்
தஞ்சையின் பசுமைகள்

காலங்கள் மழை காலங்கள்

என்ன அழகான மழை

நொங்கு வாங்கலையா?

நொங்கு திங்க ஆசையா இருக்கா?
ஒரு கோடை கால பயணத்தில்
தஞ்சை ஜில்லாவில் உலா வந்தபோது
எடுத்த புகைப்படம்....


என்ன அழகான கிராமிய சூழலில் நொங்கு சீவுகிறார்கள்?!

அடி நீலகிரி....

அவஸ்தைகள் பலவிதம்

'விவேக் ஒரு படத்தில் சொல்வது போல
ஏய் சர்தார்ஜி ஆளில்லா டீக்கடையிலே
யாருக்கடா டீ ஆத்துறே?!
உன் கடமை உணர்ச்சிக்கு அளவே இல்லையா?
--------------)))))))ha..a..a'


சமீபத்தில் எனது நண்பர் ஒருவருடன்
அலைபேசியில் உரையாடும்போது ஒரு சேதி சொன்னார்.
நீங்கள் எனது அருகாமையில் இருந்து இருந்தால்,
அந்த தகவல் எனக்கு கிடைத்து இருக்கும்,
நீங்கள் இல்லாததால்
எனக்கு சேதி கிடைக்கவில்லை..
அதற்காக மிகவும் வருத்தப்பட்டேன் என்றார்.
என்ன வென்றால், எனது நண்பருக்கு மிகவும் முக்கியமான சேதி ஒன்று தெரிந்தது.
ஆனால் அது காலதாமதமாக பதினைந்து தினங்கள் கழித்து தான் தெரிந்தது...
காரனம், அந்த நண்பருக்கு அருகாமையில்
நான் வேலைபார்த்துக்கொண்டு இருக்கும்போது
எந்த தகவலாக இருந்தாலும் உடனே தெரிவித்து விடுவேன்.. அது இரவு நேரங்களாக இருந்தாலும்,

இதைப்போல நமது உலகில் ஏராளனமான நண்பர்கள்
அவர்களுக்கு பிடித்தமான வேலைகளை செய்து கொண்டு இருப்பார்கள்,
அவர்கள் நம்மிடம் இருந்து எதையும்
எதிர்பார்க்க மாட்டார்கள்.

உதாரனமாக பத்திரிகை துறையில் பாருங்கள்..
வாரா வாரம், வார இதழ்களை படித்து விட்டு
உடனே அதற்கு
ஏதாவது கருத்துக்கள் ஒரு அஞ்சல் அட்டையில் எழுதி அனுப்பி விடுவார்கள்.
அதே போல இன்னும் சில நேயர்கள்
வானொலி கேட்டு
அதற்கு கடிதம் எழுதுவார்கள்..
இன்னும் சிலர் தாம் படிக்கும் பத்திரிகைக்காக
ஒரு வாசகர் வட்டத்தை ஏற்படுத்தி
அவர்களுடன் உறவுகள் ஏற்படுத்தி
அதில் தமது பணிகளை செய்வார்கள்..
இன்னும் சிலர் தமது நட்பு வட்டத்தை விடாமல்
அடிக்கடி தொலைபேசி அல்லது அலைபேசியில் உறவாடுவார்கள்..

ஆனால், நம்மில் பலர் எதுவுமே செய்யமாட்டார்கள்
ஆனால் அது போன்று செய்பவர்களை கிண்டல் செய்வோம்.. கேலி செய்வோம்.
இவர்களுக்கு வேற வேலை இல்லை.. என...

ஆனால் அவர்கள் அருகாமையில் இல்லாதபோது
அவர்கள் தனது வேலைகளை நிறுத்தும்போது
அவர்களின் அருமை நமக்கு தெரிகிறது..
எனது நண்பர் அலைபேசியில் என்னிடம் ஆதங்கப்பட்டதும் அதான்..
ஆனால் நம்மில் பலரோ அது போன்ற வேலைகளை செய்வதும் இல்லை,
செய்பவர்களை பாராட்டுவதும் இல்லை,
ஆனால், கிண்டல் மட்டும்
ஏராளமாக ,,, தாராளமாக,,

நம்ம வடிவேலு பானியிலே
சொல்லவேண்டும் என்றால்
ஏன்.. ஏன் இந்த கொலை வெறி?
.........)))))))))))ha ha...

இங்கே ஊரிலே பாருங்கள்
முகம் பாராத எத்தனையோ சகோதரர்கள்
தினமும் காலையில் அல்லது மாலை நேரங்களில்
குறுஞ்செய்திகள் அனுப்பிக்கொண்டு இருக்கிறார்கள்..

இன்னும் சொல்லப்போனால் எனது நண்பர் ஒருவர்
பொதிகை தொலைக்காட்சி பார்த்து விட்டு
அதற்கு கடிதம் எழுதுவார்.
அவர் வாழ்வது வெளி நாட்டில்?

நாம் அந்த வேலைகளை செய்யா விட்டாலும்
அது போன்று செய்பவர்களை
நக்கலும், நையான்டியும் செய்யாமல் இருப்போமே?!

கண்களின் சுவையான பதிவுகள்

மேற்கு தொடர்ச்சி மலையில்
சற்றே உலாவிய போது

கண்களின் சுவையான பதிவுகள்

இதோ பருவ மழை தொடங்கும் நேரத்தில்...

கண்களின் சுவையான பதிவுகள்

இதோ பருவ மழை தொடங்கும் நேரத்தில்

'கதவை திறந்தால் வருவது யாரோ'

அட வெட்கக்கேடே உன் பெயர் தான் சாமியாரா?
என்று காரசாரமான தலைப்பில் ஒரு நாளிதழ்..
அப்படி என்ன தான் நடந்தது என யாரும் யோசிக்க தேவையில்லை.
சன் தொலைக்காட்சியும்
தினகரன் நாளிதழும் வெளியிட்ட செய்திகள்
தமிழகமே பரபரப்பாகி விட்டது.
நேற்று தினகரன் நாளிதழ் எங்கேயும் கிடைக்கவில்லை.

'கதவை திறந்தால் வருவது யாரோ' என்ற
நித்தியானந்த ஸ்வாமிகளும்,
போதையேறிப்போச்சி
புத்திமாறிப்போச்சி என பாடி ஆடிய தமிழ் நடிகையும்,
கொஞ்சிக்குலாவியதை தமிழகமே பார்த்து சிரித்தது என சொல்லலாம்.

இதற்கு முன் இது போல சாமியார்களின் லீலைகளை
தமிழ் உலகம் பார்க்காமல் இல்லை.
நமது நினைவில் வருவது
சங்கராச்சாரியார்,அடுத்து சென்னையில் ஒரு சாமியார்,
அம்மா, மகள் இருவருமே இவரிடம் மயங்கியது, வெளிச்சமானது,
சமீபத்தில் மன்மத குருக்கள், இப்போ சொல்லவேண்டியதில்லை.


33 நாடுகளில் 1200 கிளைகள் வைத்து இருந்தாலும்,
வார இதழ்களில் கட்டுரைகளை பல வாசகர்கள் படித்தாலும்,
சராசரி மனிதன் என்பதை இந்த உலகம் ஒப்புக்கொள்ள வேண்டும்.
எந்த சாமியாரும் கடவுள் இல்லை.
கடவுளின் அவதாரமும் இல்லை.


(picture.nithyanandavedictemple.org)
பில்கேட்ஸ் சொன்னார்;
'ஏழையாய் பிறப்பது குற்றமல்ல,
ஏழையாய் வாழ்வது தான் குற்றம் என...'

பலரும் பிழைப்பை தேடி என்ன என்னமோ செய்கிறோம்.
அதில் ஒருவகை தான் போலியான சாமியார்கள்.
இவர்கள் தனது பிழைப்புக்காக நல்ல இடத்தை
தேர்வு செய்து ஆசிரமத்தை அமைக்கிறார்கள்.
நம்ம மக்களுக்கா சொல்லவேண்டும்?!,
இது போன்ற சாமியார்களை ஊக்குவிப்பதே நமது தாய்குலம் தான்.
ஆனால் அவர்களுக்கும் சக மனிதர்களுக்கு உள்ள ஆசைகள் இருக்கு.
முற்றிலும் துறந்தவர்கள் இல்லை என சொல்லலாம்.
காமத்தைப்பற்றி ஒரு தமிழ் கவிஞன் அழகாக எழுதினான்.
ஒரு பாடலில்...
' அது வேதம் சொன்ன குருவை கூட விடுவதில்லையே..?!'
இந்த வரிகள் உண்மை என இப்போதும் கூட உணர்த்துகிறது.

இன்னொரு தமிழ் பாடல் சொல்கிறது.
'பெண்மை இன்றி மண்ணில் இன்பம் ஏதடா..?'
இப்படியே சொல்லிக்கொண்டே போகலாம்.

துறவறம், துறவற வாழ்க்கை,
இன்றைய காலகட்டங்களில் மேற்கொள்வது
அரிது.. அரிது.... அரிது..
இன்னும் சொல்லப்போனால்,
அப்படி சொல்பவர்களின் படுக்கை அறையில்
இன்னும் கேமரா செல்லவில்லை என சொல்லலாம்.